Dyrasíminn hringir.

Sólveig: Halló?
Gaur: Gústi
Sólveig: U.. nei
Gaur: (bíður bara)
Sólveig: Sagðiru ekki Gústi?
Gaur: Jú. Ég er með bréf til Hólmfrídur
Sólveig: Jaaaá

Ég er í tíma. Ég má ekki fara og mér finnst það ekki gaman. Ég er búin að skila verkefninu sem við erum að gera og það er ekki hægt að komast inn á leikjanet úr MHtölvunum. Sem gerir það að verkum að ég er að blogga.

Fyrst vil ég vekja athygli á ömurlegu starfi Skipulagsnefndar Höfuðborgarsvæðisins. Ég vil fá að vita hvernig þeir ætla að halda uppi kostnaði á öllum skakkaföllunum sem þeira hafa valdið. Ég vil meina að tíðni t.d. hjartaáfalla sé búin að stóraukast í ágústmánuði. Einnig býst ég við að fjölmargir þurfi að leita sér hjálpar hjá sjúkaraþjálfurum landsins vegna aukinnar streytumyndunar sem kemur fram í vöðvabólgu, mígreni og hjartsláttartruflunum. Mér finnst líklegt að þeir beri líka ábyrgð á því hversu margir eru með hálsbólgu núna - fólk er búið að öskra úr sér hálskirtlana.
- Það sem ég er að tala um hérna eru endalausar vegaframkvæmdir út um alla borg. Það er ekki hægt að keyra neitt án þess að þurfa að fara um e-ar hjáleiðir og yfir ómalbikaða kafla og ég er orðin virkilega þreytt á þessu. Ég vil að sá maður sem ber ábyrgð þessu borgi fyrir mig í nudd og reddi vottorði fyrir skólann vegna þess að ég kem alltaf aðeins og seint út af þessu ANDSK..

Annars segi ég bara allt fínt og Sprengjuhöllin ætlar að spila á tónleikunum í kvöld, eins og þið vitið trúlega vegna þess að ég er búin að vera að leggja alla sem ég þekki í einelti út af þessu dæmi.

Arna Sif situr hérna við hliðina á mér og er orðin þreytt vegna þess að hún er búin að rífast við svo marga í dag - sem mér finnst sko MEGA fyndið.

Pís

Skólinn er byrjaður. MH er strax farinn að mygla. Maraþaraborg er ennþá ógeðslega ógeðsleg. Kóræfingar eru svo oft að við erum að drukkna og allir komnir með hálsbólgu. Það er rigning og veðrið er farið að hafa áhrif á hjörtu mannanna.

En ég er í ótrúlega skemmtilegum áföngum í skólanum. Þroskasálfræði, kortlagning hugans, afbrotafræði, saga sjúkdóma og lækninga, spænska og landafræði. Eins og lög gera ráð fyrir þegar MH á í hlut var borðarifrildi/stríð fyrsta skóladaginn. Við vorum búin að búa okkur undir MEGA subbulegt stríð við IB-nema sem tóku borðið okkar en þau veittu enga mótspyrnu. Sem var að vissu leiti mjög þægilegt en líka óþægilegt. Okkur leið pínu eins og við værum að stíga ofan á járnsmiði.. Þeir geta ekkert gert í því en þá kemur samt rigning. Maraþara er full af útrunnu nammi sem er búið að vera í kæli í 3 mánuði þannig að það er hægt að borða það án hættulegra aukaverkana. Súkkulaðið er reyndar hvítt og virkilega ógirnilegt en uppfyllir samt þær kröfur sem til þess er gert. Nú eins og gefur að skilja er mikið af Kóræfingum. Skólakórinn er að byrja líka svo við munum auka við æfingarnar ennþá meira - en það er takmark með þessu öllu. Risa-takmark. Kína-takmark. Því vil ég endilega vekja athygli á tónleikum sem verða í MH til styrktar Kína-ferð okkar. Þessir tónelikar verða í Salnum í MH á fimmtudagskvöldið kl.8 og þar munu stíga á stokk: Stuðmenn, Páll Óskar, Hjaltalín, Babar og Sigríður Torlacius og e-ð eitt enn sem er mjög feitt en ég man ekki hvað er. Byrjar samt á B.

Ég vil endilega minna ykkur á að mæta galvösk á völlinn á miðvikudaginn. Þá mun íslenska karlalandsliðið undir harðri stjórn mágs míns sigra Kanada í vináttu landsleik. Einnig hvet ég alla að spara röddina og drekka hunangs te með engiferrót þangað til leikurinn mun fara fram. Þeir sem mæta klukkan 4 á Ölver, í þrusu nice upphitun fá miðann á 1000.- Allir að mæta í bláu.

Þennan baráttusöng hvet ég alla (konur og karla) til að læra. Og kunna rosa vel. Helst afturá bak.

Stolt siglir fleyið mitt

Stolt siglir fleyið mitt stórsjónum á,
sterklegur skrokkurinn vaggar til og frá.
Líf okkar allra og limi það ber,      
langt út á sjó hvert sem það fer.

Stolt siglir fleyið mitt stórsjónum á,
stormar og sjóir því grandað ekki fá.
Við allir þér unnum, þú ást okkar átt,
Ísland við nálgumst nú brátt.

Ísland, gamla Ísland, ástkær fósturjörð.
Við eflum þinn hag hvern einasta dag,
Í stormi og hríð, hvert ár, alla tíð.
 

 Ég vil líka fá að koma með einn HK stuðningstexta hér:
Oh ég er búin að gleyma honum. Skelli honum inn þegar hann kemur.

Nú er ég búin að vera ótrúlega baráttuglöð og vil ólm fá að útlista hér samtali sem ég átti við lækni áðan.

Læknir: Sólveig, lentir þú í einhverjum vandræðum í skóla sem barn?
Sólveig: Hm.. Ne. Mér var mjög oft hent út úr tíma þegar ég var í 5bekk en það var  vegna þess að-
Læknir: Ég skil. Lentirðu nokkurn tíma í slagsmálum sem barn?
Sólveig: Ég réðst einu sinni á Ísak og þurfti að fara í hálskraga en það var sko-
Læknir: Eitthvað annað dæmi sem þú mans eftir?
Sólveig: Ég sparkaði einu sinni í magann á Júlíönu. En það var afþví að hún var fyrir, við vorum að kasta ullarsokk á milli okkar.
Læknir: Einmitt já. Manstu eftir því að hafa átt óvini sem barn?
Sólveig: Jájá.. en ekkert alvarlega ég var bara dálítið svona-
Læknir: Akkúrat já. Manstu eftir að hafa lagt e-n í einelti?
Sólveig: Sko í 2. bekk voru ég, Anna Lóa og Bjarki svolítið vond við Ólínu en ég var samt-
Læknir: Já, ég skil þig. Vartu oft skömmuð af kennurunum í barnaskóla?
Sólveig: Já ég var soldið oft að trufla tímann, ég tók samt ekkert eftir því ég þegar ég var að syngj-
Læknir: Já. Skil þig. Sólveig lentiru nokkuð í e-m handalögmálum síðustu helgi svo ég taki dæmi.. Á menningarnótt?
Sólveig: JáH. Það réðst á mig róni. Hann skoh-
Læknir: Já gott. Ég er komin með nægilegar upplýsingar. Takk fyrir. Eigðu góðan dag

• Kórtónleikar
• Signý huggari
• Toblerone
• Litla systir Rakelar
• Hata Todmobile
• Bubbi kóngur
• Pylsa og kókómjólk
• Toblerone
• Sofa
• Andrea í DK
• Mennó
• Skrítin stemning
• Líkamsárás
• Kúkamaðurinn
• Mikil heift
• Kristófer og Sunneva með uppistand
• Flottasta flugeldasýningin á árinu
• Týni alltaf öllu
• Toblerone
• Kóræfing
• HK-FH
• Nancy Drew

Það er einungis fyrir þá staðreynd að ég hef ungt og hraust hjarta og að ég er ýmsu vön að ég dó ekki áðan þegar ég fór í apótekið. Þannig er mál með vexti að fólk sem er í endurhæfingu á Reykjalundi fær lyfin sín frítt. Sem er mjög gott mál. Nú þar sem ég er að fara að útskrifast af Lundinum góða fékk ég lyfseðla og gerði mér ferð í Lyfju á Smáratorgi til þess að fá þau. Ég labba inn og rétti píunni 3 mismunandi lyfseðla og mér var sagt að bíða. Ca. 2,4 mínútum seinna var nafnið mitt kallað upp og ég þusti að borðinu allsendis sallaróleg og bjóst við því að þurfa að skrifa undir einhvern pappír sem staðfesti að ég væri ekki fíkill. Eldri kona spyr mig hinsvegar hvort að ég sé ekki  með lyfjakort og ég svara því neitandi. Þá segir hún mér að ríkið borgi ekki niður eitt lyfið sem ég er á, nema að ég sé með lyfjakort. Það verður þá bara að hafa það hugsaði ég - en þá kom skellurinn! Lyfið kostar þig þá 25.000 krónur! Ég fékk algjört áfall og hrópaði yfir allt apótekið Ertu ekki að grínast? Þar sem hún var ekki að grínast sagðist ég  ætla að bíða aðeins með þetta og tók lyfseðillinn af henni. Það er ekki smuga að ég borgi svona upphæð! Bwaah. Svo ég bið ykkur fyrirfram afsökunar á því að ég gæti orðið erfið þangað til ég fæ þetta lyfjakort og get borðað lyfin mín. Namminamm

Ég er í svo miklu losti að ég get ekki skrifað neitt annað. Nema að HK vann Keflavík áðan.

Ókey! Ég hef sko eiginlega sturlaðar fréttir fram að færa. Reddý?

   - Ég þekki stelpuna sem var í vinkona mín er lespía bolnum!!

   - Ég sá Sævar í gær!! Hann byrtist bara á Reykjalundi.

   - Ég er ekki fátæk lengur!

   - Kannski er Jerermías kominn í lag
  
   - Kem hugsanlega með til eyja næst

   - Systir afa varð 70 ára í dag

   - Landsleikur 22 ágúst! Allir mæta klukkan 4 á Ölver þar sem upphitun mun eiga sér stað

   - 30. ágúst eru tónleikar með Palla uppi í MH. Og reyndar alveg mörgum fleirum

   - Þið verðið vinsamlegast að kaupa af mér uppskriftarbækur svo ég komist með til Kína

   - Mig vantar leyniorð á síðuna þína Karen. Og síðuna hennar Tinnu Bjartar

   - 3. dagar eftir á Reykjalundi

   - Kannski ætla ég að kaupa mér vatnskodda

   - Kannski get ég útskrifast í vor

   - Það styttist í jólin!
 

Lífið er búið. Þannig er það bara. Ég var búin að gleyma hversu hræðilegt það er að fá túrverki.

Svo langar mig í súkkulaði.

Fyrir þá sem ekki héldu upp á gærdaginn - eða voru ekki í ástandi til þess að muna eftir deginum - hef ég ákveðið að rifja upp æsilegustu mómentin.

Í gaypride göngunni var heilmikið húllumhæ. Rakel var í grænum skóm með regnabogalitri teygju. Ég og Signý vorum hinsvegar frekar ömurlegar. Vorum bara í ótrúlega venjulegum fötum. Bætum úr því á næsta ári. Páll Óskar tryllti líðinn á risatrukknum sínum og strákafélagið Styrmir vakti mikila athygli fyrir einstaklega mikinn kynþokka. Hrafnhildur Viðars dansaði af sér fæturna uppi á bílpalli - en bílstjórinn var einginn önnur en Sæunn. Inga Ausa var gríðarlega heit - en hún lék í atriði sem kallaðist homma-hækjur.

Eftir gönguna góðu voru skemmtiatriði á sviðinu sem vöktu mismikla kátínu. Án efa hafði lagið Ég er eins og ég er vinninginn þar.

Nú um kvöldið var svo voða fínt matarboð heima hjá Rakel en þar sá Thelma um eldamennsku ásamt hjálparkokkunum: mér, Signýju, Sólborgu, Ingu Birnu og Karen.

Rakel fór gjörsamlega á kostum þetta kvöld og Karen fór á trúnó með mér þar sem hún sagði eftirfarandi: Sólveig Ragna, ég hef lært eitt í lífinu. Aldrei sofa hjá einhverjum sem þú vinnur með! Þetta er ráðlegging sem ég mun taka virkilega hátíðlega og fara eftir í einu og öllu. Signý hellti olíu á peysuna sem hún var í vegna þess að hún var svo ósátt við okkur Sólborgu að setja ekki meiri olíu í salatið.

Það vantaði Önnu Lóu og Örnu. Það var ekki alveg nógu gott. En næstu helgi er Menningarnótt svo við bætum úr því þá!

Ég tók mjög mikið af myndum - sem eru komnar hérna inn á. Aðallega fyrir Lomma litla.

Takk

Ég er að deyja úr hvatvísi!
- Halla þú verður að segja mér hvað þetta hvatvísis-te heitir. Rítalínið nær ekki að vinna nógu vel á þessum öflugustu.

Jæja hvað um það. Margt hefur skeð hjá mér síðan ég ritaði seinast hérna inn. En það var fyrir u.þ.b. sólarhring. Aðallega hefur verið mikið um að vera inni í mínum ofvirka haus. Ég hef verið í stríði við hugsanirnar mínar. Það er rosa erfitt og ég væri ekki hissa þó að nokkrar nauðsynlegar heilasellur hafi tapað lífinu í þessari háskaför. Það sýnir sig hugsanlega best hér þar sem ég er að skrifa tóma steypu.. En vonandi rétt stafsetta steypu - stafsetningar heilasellan lést ekki í dag.

Ég var í göngutúr áðan, að sjálsögðu. Ég geri það á degi hverjum þarna á Reykjalundi. Klukkan var ca. 14:30 og ég var að labba framhjá einhverju hænsnabúi, sérlega illalyktandi. Og þá heyri ég það. Hanagal! Er þetta eðlilegt? Eiga hanar ekki bara að gala við sólarupprás? Þegar Tumi fer á fætur? Mér finnst þetta alveg stórundarlegt.

Í dag var regnbogahátíðin sett. Á laugardaginn ætla ég að halda upp á þennan dag með mínum elskulegu lessu vinkonum. Mér þykir mjög vænt um ykkur stelpur! Fyrst verður borðað heima hjá Rakel og þá ætla ég kannski að baka köku svo við verðum glaðari. Súkkulaðiköku örugglega. Súkkulaði losar boðefnið endorfín úr líkamanum og þá verður maður glaður og hýr.

Hvurslags aumingjaskapur er þetta í manni að blogga aldrei. Síðasta blogg hjá mér var með eindæmum leiðinlegt og eiginlega er ég búin að blogga frekar óskemmtilega upp á síðkastið. Ég verð að reyna að bæta úr því hið snarasta.